အလှအပတွေ များစွာကို ပိုင်ဆိုင်ထားပေမဲ့ စိတ်အလှ တစ်ခု ပြုတ်ကျ ကျန်နေခဲ့တဲ့ နိုင်ငံ

   ကိုရီးယားဆိုတာ လူတိုင်း အားကျရတဲ့၊ သွားချင်ကြတဲ့ နိုင်ငံတွေထဲက တစ်နိုင်ငံဆိုလည်း မမှားပါဘူး။ ဖွံ့ဖြိုးတိုးတက်နေတဲ့ နိုင်ငံ တစ်နိုင်ငံ အနေနဲ့ ငွေ ရှိရင်တော့ သွားရေးလာရေး၊ စားရေးသောက်ရေး၊ နေရေး ထိုင်ရေးဟာ အင်မတန်မှ အဆင်ပြေလွယ်ကူလှပါတယ်။ သွားရေးလာရေးဆိုရင်လည်း မြေအောက်ရထားနဲ့ သွားမလား၊ ဘတ်စ်ကားနဲ့ သွားမလား၊ နည်းနည်း ဝေးရင် အမြန်ရထားနဲ့ သွားမလား၊ လေယာဉ်နဲ့ သွားဦးမလား အဆင်ကို ချောလို့။ စားရေး သောက်ရေးဆိုလည်း ထမင်းစားချိန်တန်တာနဲ့ အပြင်ထွက် ဝယ်စားလိုက်ရုံပဲ။ နေရေးထိုင်ရေးဆိုလည်း ရေမီး အစုံနဲ့ လိုလေသေးမရှိပေါ့။ 

   ဒါပေမဲ့ လူလူချင်း စာနာစိတ်တွေ ခေါင်းပါးလာတယ်။ ပညာလေးတွေလည်း တတ်ကျတော့ မောက်မာကျတယ်။ မတူသလို မတန်သလို ဆက်ဆံလာကြတယ်။ အခွင့်အရေးကို အမိအရ ယူတတ်လာကြတယ်။ ကိုရီးယား ရောက်ခါစတော့ ကျောင်းတက်နေတော့ နေ့စဉ် ကျောင်းသားကျောင်းသူအချင်းချင်း တွေ့ကြ၊ စားကြ၊ သောက်ကြတော့ ဘေးပတ်ဝန်းကျင်ကို မမြင်တတ်ခဲ့ဘူး။ ကျောင်းကနေ အိမ်၊ အိမ်ကနေ ကျောင်း၊ တစ်ခါတစ်လေ ကော်ဖီဆိုင်၊ ထမင်းဆိုင်က လွဲလို့ သိပ် မသွားဖြစ်ဘူး။ ကျောင်းလည်း ပြီးရော အချိန်ပိုင်း အလုပ် ရှိရင် သွားလုပ်၊ မရှိတဲ့ နေ့ဆိုရင် အိမ်မှာ တစ်ယောက်တည်း ငုတ်တုတ်၊ တီဗွီ ကြည့်ရင် ကြည့်၊ စာအုပ် ဖတ်ရင် ဖတ်ပေါ့။ အတန်း အတူတူ တက်ခဲ့တဲ့ သူငယ်ချင်းတွေက‌တော့ အလုပ် လုပ်သူက လုပ်၊ ဌာနေ ပြန်သူက ပြန်ဆိုတော့ ကျောင်းတက်တုန်းကလိုမျိုး မကြာခဏ မတွေ့နိုင်ကြတော့ဘူး။ သူတို့ အားတဲ့နေ့ဆို ကိုယ်က အလုပ်ရှိ၊ ကိုယ် အားတဲ့ နေ့ဆို သူတို့က အလုပ်သွားရနဲ့ပေါ့။ 

   တစ်နေ့ ဈေးဝယ်ပြီး အပြန်လမ်းမှာ လူ တစ်ယောက်မှ မတွေ့တော့ စိတ်ထဲမှာ တစ်မျိုးကြီး ခံစားရတယ်။ အမိမြေကို လွမ်းတယ်ဆိုတဲ့ ခံစားချက်ကို ပထမဆုံး ခံစားဖူးတာပဲ။ ကိုယ့်ဌာနေမှာဆိုရင် ရပ်ကွက်ထဲ လျှောက်သွားရင် တီဗွီသံ၊ ရန်ဖြစ်သံ၊ ပြေးလွှားဆော့ကစားနေတဲ့ ကလေးတွေရဲ့ အသံတွေ၊ လှည့်လည် ရောင်းချတဲ့ မုန့်သည်တွေရဲ့ အသံတွေ၊ အိမ်ရှေ့ တန်းလျားမှာ ထိုင်ပြီး ဖြတ်သွားဖြတ်လာ လုပ်တဲ့ လမ်းသူလမ်းသားအချင်းချင်း “ထမင်းစားပြီးပြီလား”၊ “ဘယ်က ပြန်လဲ”၊ “ဘယ်သွားမလို့လဲ”၊ စသဖြင့် လူ့အငွေ့အသက်တွေကို ခံစားရတယ်။ သူများ အတင်းပြောတာလည်း သဘာဝဆိုတော့ အတင်းစုပြောကြတဲ့ ‌အဒေါ်ကြီးတွေ အဖွဲ့၊ အတင်းသာ ပြောတာ ရပ်ကွက် အရေးဆိုလည်း သူတို့က ရှေ့ဆုံးက၊ ရပ်ကွက်ထဲ တစ်ခုခု ဖြစ်ပြီဆိုရင် အားလုံး ဝိုင်းပြီး တစ်ယောက်တစ်လက် ဝိုင်းကူတတ်တဲ့ ဓလေ့၊ ကျောင်းလွှတ်ချိန်ဆိုရင် အဖြူအစိမ်း ဝတ် ကျောင်းသူ၊ ကျောင်းသားလေးတွေ အုပ်စုလိုက် အိမ်ရှေ့က ဖြတ်သွားကြတာလေးတွေ၊ အဲ့ဒီ မြင်ကွင်းလေးတွေဟာ မျက်စိရှေ့မှာ ရုပ်ရှင်ကားသဖွယ် ဖျက်ကနဲ ဖြတ်သွားလေရဲ့။ 

   ကိုရီးယားမှာတော့ ကိုယ်နေတဲ့ တိုက် ၄လွှာကို ဓာတ်လှေကား စီးပြီး တက်လာ၊ လူသံ၊ သူသံ မကြားရဘဲ၊ ကိုယ့်အခန်း လျှို့ဝှက်နံပါတ်ကို နှိပ်ပြီး အိမ်ထဲ ဝင်လာ၊ အပြင်လောကကြီး ဘယ်လို နေလဲလည်း စိတ်မဝင်စား၊ နောက်ဆုံး ဘေးအိမ်မှာ ဘယ်သူနေလဲတောင် မသိဘဲ နေလာတာ ၃နှစ်ကျော်လို့ ၄နှစ်ထဲတောင် ရောက်နေပြီ။ တစ်ယောက်နဲ့ တစ်ယောက် စိတ်ဝင်စားမှုလည်း မရှိကြနဲ့ပေါ့။ အဲ့သလို ကျင့်သားရလာတဲ့ ကိုယ်ဟာ ကိုယ်တွေ တိုက်ဘေးက ဈေးဆိုင်က အားဂျူမားကြီးက ဆိုင်ရှေ့ထွက်ထိုင်ပြီး သက်တူရွယ်တူတွေနဲ့ စကားဝိုင်းဖွဲ့ ပြောနေရင် အဲ့ဒီရှေ့က ဖြတ်လျှောက်တဲ့အခါ နှုတ်ဆက်ရမှာလား၊ မနှုတ်ဆက်ဘဲ မသိချင်ယောင်ဆောင်ပြီး ကျော်လာရမလား မသိ ဖြစ်တဲ့အခါမျိုးလည်း ရှိသေးတယ်။ လူ့အငွေ့အသက်တွေ တဖြည်းဖြည်း ပျောက်ကွယ်လာသလို ခံစားရတယ်။ 

ေ  နာက်တစ်ခု မြေအောက်ရထားပေါ်မှာ သက်ကြီးရွယ်အိုတွေ များတဲ့အတွက် လူငယ်တွေ စိတ်အနှောက်အယှက် ဖြစ်ကြတဲ့ ကိစ္စ။ ကိုရီးယားဟာ ဟိုး အရင် မဖွံ့ဖြိုးခင်တုန်းက ကျန်းမာရေးအရ မသန့်ရှင်းတဲ့ ပတ်ဝန်းကျင်မှာ ကျင်လည်ရတဲ့အတွက် ကလေးငယ်တွေဆိုလည်း  ရက် ၁၀၀ မပြည့်ခင် သေကြ၊ သက်ကြီး ရွယ်အိုတွေဆိုရင်လည်း အသက် ၆၀ထိ နေရတဲ့ သူက ခက်ရှားရှား။ ထို့အတွက် ရက် ၁၀၀ပြည့်တဲ့အထိ အသက်ရှင် ကျန်နေတဲ့ ကလေးတွေကို  ဂုဏ်ပြုတဲ့ အနေနဲ့ ရက် ၁၀၀ပြည့် အထိန်းအမှတ်ပွဲကို ကျင်းပပေးလေ့ ရှိခဲ့ကြတယ်။ ထို့အတူ အသက် ၆၀ထိ နေနိုင်တဲ့ အဖေ၊ အမေ၊ အဖိုးအဖွား တွေအတွက်လည်း အသက် ၆၀ပြည့် မွေးနေ့ပွဲကို ခမ်းခမ်းနားနား ကျင်းပြပေးပြီး၊ အသက်ရှည်ရှည်နေပေးတဲ့အတွက် ဂုဏ်ပြုပွဲ ကျင်းပပေးခဲ့ကြတယ်။ ယနေ့ခေတ်မှာတော့ ထို ဓလေ့တွေ ပျောက်ဆုံးသွားပါပြီ။ ကျန်းမာရေးနဲ့ ညီညွတ်တဲ့ ပတ်ဝန်းကျင်မှာ မွေးဖွားကြီးပြင်းလာပြီး၊ အသက်တွေလည်း ရှည်လာ‌တော့ အသက် ၆၀ကို အသက်ရှည်တယ်လို့ မယူဆတော့တဲ့အတွက်ကြောင့်ပဲ ဖြစ်ပါတယ်။ ပိုဆိုးတာကတော့ ကိုရီးယားနိုင်ငံက လူငယ်တွေဟာ တစ်ယောက်တည်းတောင် ဟိုဘက် နည်းနည်းတိုးပါလို့ ပြောရလောက်အောင် ကြပ်တည်းလာတဲ့အတွက် အိမ်ထောင်မပြုကြ၊ အိမ်ထောင်ပြုခဲ့ရင်တောင် ကလေး လုံးဝ မမွေးကြ၊ သို့မဟုတ် တစ်ယောက်လောက်ပဲ မွေးကြတဲ့အတွက် နိုင်ငံ တစ်နိုင်ငံရဲ့ အနာဂတ်ကို တာဝန်ယူကြရမယ့် မျိုးဆက်သစ် လူငယ်တွေ တဖြည်းဖြည်း နည်းလာပါတယ်။ လူငယ်၊ လူလတ်ပိုင်းတွေက နည်းလာ၊ အသက်ရှည်ရှည် နေကြရတဲ့ သက်ကြီးရွယ်အိုတွေက များလာနဲ့ လူငယ်၊ လူလတ်ပိုင်းတွေ အနေနဲ့ အသက်ကြီးသူတွေကို ညှာတာ၊ စာနာတတ်တဲ့ စိတ်လည်း  နည်းလာပါတော့တယ်။ 

   ဆိုလိုရင်းကို အခုမှပဲ ရောက်တော့တယ်။ မြေအောက်ရထား စီးတဲ့အခါ သက်ကြီးရွယ်အိုများအတွက် ထိုင်ခုံကို ရထား တစ်တွဲမှာ ဦးစားပေးထိုင်ခုံအနေနဲ့ ၆နေရာ သီးသန့် ထားပေးထားပါတယ်။ ဒါပေမဲ့ အဲ့ဒီ ၆နေရာလည်း ပြည့်၊ မည်သူမဆို ထိုင်ပြီးစီးတဲ့ နေရာဘက်ကို လာပြီး မတ်တပ်ရပ်တော့ လူငယ်တွေကလည်း အလုပ် ပင်ပန်းတာပဲ ဖြစ်ဖြစ်၊ ရထားကို အကြာကြီး စီးပြီး အဝေး သွားရတာပဲ ဖြစ်ဖြစ် အကြောင်းကြောင်းကြောင့် နေရာကို မဖယ်ပေးဘဲ၊ မသိချင်ယောင်ဆောင် မျက်လုံး၂လုံးကို ဖုန်းမှာ ကပ်ပြီး သွားတတ်ကြပါတယ်။ ကိုယ်လည်း ဟိုနား ဒီနား သွားတဲ့အခါဆိုရင်တော့ နေရာ ဖယ်ပေးပြီး၊ ကျေးဇူးတင် မခံချင်တော့ တခြား ဝေးရာကို ထွက်သွားတာမျိုး၊ အရမ်း ပင်ပန်းတဲ့အခါမျိုးဆိုရင် နေရာ မဖယ်ပေးနိုင်ဘဲ မျက်စိမှိတ်ပြီး စီးလာတာမျိုး လုပ်ဖြစ်ပါတယ်။ ဆင်ခြေပေးတာတော့ မဟုတ်ပေမဲ့ ကားမူးတတ်တဲ့ ကိုယ်ဟာ ရင်ထဲ နောက်လာရင် အန်တတ်တဲ့အတွက်ကြောင့်လည်း ကိုယ့်ကိုယ်ကို အမြဲ ထိန်းနေရတာကြောင့်လည်း ပါတာပေါ့။ ဒါပေမဲ့ စိတ်ထဲတော့ မကောင်းဘူးပေါ့။ ငါ သက်ကြီး ရွယ်အိုကို မြင်နေတာတောင် မမြင်ချင်ယောင်ဆောင်ပြီး နေရာ မဖယ်ပေးခဲ့ပါလား ဆိုပြီးပေါ့။ 

   ကိုရီးယားမှာ အသက် ၆၅နှစ် အထက်ဆိုရင် ဘတ်စ်ကား၊ မြေအောက်ရထား အခမဲ့  သတ်မှတ်ထားတဲ့အတွက် လိုအပ်သည်ထက် ပိုပြီး မြေအောက်ရထား၊ ဘတ်စ်ကားကို အသုံးပြုနေကြတယ်ဆိုတဲ့ လူငယ်တွေရဲ့ အမြင်လည်း ရှိကြပါတယ်။ ကိုရီးယားမှာ အသက် ၆၅နှစ်ဆိုတာ မြန်မာပြည်အနေနဲ့ ကြည့်ရင် အသက် ၅၀လောက်နဲ့ ညီပါတယ်။ အရမ်းလည်း သန်မာကြသလို၊ နုကြပါတယ်။ ထို့အတွက် ဘတ်စ်ကား၊ မြေအောက်ရထား အခမဲ့ စီးနင်းခွင့် အသက်အရွယ်ကို တိုးပြီး သတ်မှတ်ဖို့လည်း ပြောနေကြပါတယ်။ ဘာပဲ ပြောပြော လူ့အငွေ့အသက်တွေ ပြည့်လျှံနေတဲ့ ပတ်ဝန်းကျင်ကို အရမ်းလွမ်းမိတာတော့ အမှန်ပါ။ ဆိုလိုချင်တာ နိုင်ငံပဲ ချမ်းသာနေလို့ အလကားပဲဆိုတာရယ်။ နိုင်ငံသား တစ်ဦးချင်း နှစ်စဉ်ဝင်ငွေ ‌ဒေါ်လာ ၃သောင်းကျော်ဆိုတာ ဆမ်းဆောင်းတို့၊ ဟွမ်ဒိုင်းတို့ စတဲ့ လုပ်ငန်းကြီးတွေက ဝင်တဲ့ ဝင်ငွေ အပါနဲ့ လူဦးရေကို စားပြီး ရလာတာ ဖြစ်တဲ့အတွက် ပြည်သူ ချမ်းသာတာလို့ ဆိုလို့ မရပါဘူး။ နောက်တစ်ခုက ငွေနောက် လိုက်ရင်းကနေ လူစိတ်ပျောက်၊ ပျော်ရွှင်မှု ပျောက်၊ စိတ်ဖိစီးမှုတွေပဲ ရနေပြီး လူနေမှု အဆင့်အတန်း မြင့်တော့ရော ဘာလုပ်ရမှာလဲ။ လူသားချင်း စာနာတတ်၊ လူအချင်းချင်း လက်တွဲခေါ်တတ်၊ အတူတကွ ချမ်းသာ ပျော်ရွှင်တဲ့ ဘဝကို ပိုင်ဆိုင်နိုင်အောင် တစ်ဦးနဲ့ တစ်ဦး ရိုင်းပင်းရင်း ချမ်းသာကြွယ်ဝမှုကို ရှာဖွေတတ်ဖို့ လိုအပ်ပါတယ်။ ကြီးနိုင်ငယ်ညှဉ်းသဘောမျိုးတွေ မရှိရအောင် အစိုးရရဲ့ ကဏ္ဍဟာ အင်မတန်မှ အရေးကြီးပါကြောင်း ပြောကြားရင်း နိဂုံးချုပ်လိုက်ပါတယ်။